An aon teanga amháin iad Gaeilge agus Gàidhlig?

[Joeyjoejoe]

Seo ceist díobh a chairde, an bhfuil an teanga chéana á labhairt ag na Gaeil in Éirinn agus na Gaeil in Albain?

Más gá dóibh a bheith intuisceanna lena chéile chun go bhféadfaí a rá gur an teanga chéana atá iontu, ní dheirfinn gur an teanga chéana iad mar ní thuigim Gàidhlig, mar shampla níl clú dá laghad agam cad atá á rá ag an bhean thíos.

Tá's agam go ndeirtear nár thuig lucht na Mumhan, Connacht agus Uladh a chéile roimh RnaG, ach fós féin sílim go bhfuil an difríocht idir Gaeilge agus Gàidhlig i bhfad níos mó ná na difríochtaí idir na canúintí in Éirinn.

Ach tá samplaí de theangacha eile áfach, Sínis mar shampla, a bhfuil canúintí aige nach bhfuil intuisceanna lena chéile...

Bhúr mbarúil?

[ame=http://www.youtube.com/watch?v=G1EDKG-PON4]YouTube - Gaelic stories[/ame]

[ggn]

Chan fhuil freagra ar an cheist sin, baineann sé le do dhearcadh polaitiochta nas mó ná do thuigbheál ar cad is Gaeilge nó nach Gaeilge é.

[GJG]

Seo ceist díobh a chairde, an bhfuil an teanga chéana á labhairt ag na Gaeil in Éirinn agus na Gaeil in Albain?

Más gá dóibh a bheith intuisceanna lena chéile chun go bhféadfaí a rá gur an teanga chéana atá iontu, ní dheirfinn gur an teanga chéana iad mar ní thuigim Gàidhlig, mar shampla níl clú dá laghad agam cad atá á rá ag an bhean thíos.

Tá's agam go ndeirtear nár thuig lucht na Mumhan, Connacht agus Uladh a chéile roimh RnaG, ach fós féin sílim go bhfuil an difríocht idir Gaeilge agus Gàidhlig i bhfad níos mó ná na difríochtaí idir na canúintí in Éirinn.

Ach tá samplaí de theangacha eile áfach, Sínis mar shampla, a bhfuil canúintí aige nach bhfuil intuisceanna lena chéile...

Bhúr mbarúil?

Níl mo chuid Gaeilge ró láidir, ach tá mé in ann chuid mór ráite aici a thuisceant - focail ar nós chuala, amadán srl. Féach ar an leathanach seo agus is léir nach bhfuil spás chomh mór sin idir an dhá teanga.

Sílim go bhfuil an difríocht idir Corcaigh agus Tír Chonaill chomh mór leis an difríocht idir Tír Chonaill agus Alba.

[wombat]

Chaith mé tamall i Cape Breton agus bhí clár ar an radio as Gáidhlig. B'fhéidir liom chuid maith den chlár a thuiscint. Dúirt fear as an Spáinn gur féidir leis Iodáilis a thuiscint, is dócha go bhfui na difríochtaí cosúil ann

[Evil Eco-Fascist]

Chan fhuil freagra ar an cheist sin, baineann sé le do dhearcadh polaitiochta nas mó ná do thuigbheál ar cad is Gaeilge nó nach Gaeilge é.

Aontaím leis sin. Braitheann an freagra ar an dearcadh polaitiúil atá ag duine, go minic. D'fhéadfaí a mhaíomh go bhfuil go leor de theangacha na hEorpa mar an gcéanna, Gearmáinis agus Ollainnis, Spáinnis agus Portaingéilis, Sualainnis agus Ioruais. Tá argóintí ar a son agus ina coinne ar an dá thaobh.

[ggn]

Is é an cheist atá a chur anseo ná an ionann na Gaeil mar mhuintir? is cuma cén tír ina bhfuil siad lonnaithe.

150 bliain ó shin, nuair nach raibh focail ar nós 'Irish' 'Scottish' ar eolas ag daoine, ba Ghaeil iad, bun agus barr, lán-stad, ach inniu is fearr le daoine a bheith Irish agus Scottish go príomha.

Títear domsa go mbíonn Gaeil an tuaiscirt níos tugtha don phan-Ghaelachas os rud é nach mbíonn an nasc ceannna acu leis an Stáit Éireannach.

[ggn]

Chuimhnigh mé ansin gur bhagáil mé smaoineadh ar an ábhar seo tamall ó shin.

Blag Ghael gan Náire: Eadar-Ghaeilg I

Cad fá Ghaeilg Mhainnín?

Failt erriu as bannaghtyn dys Ynsee Gaelg - Learn Manx

Seo roinnt samplai de Ghaeilg Íle dála an scéil, níos easca ná an Gaeilg Sgitheanach thuas.

Seanchas Ìle - Collecting, recording and preserving Islay's Gaelic Heritage

Ná deanaimis dearmad go bhfuil / raibh canúintí níos ‘Éireannaí’ arís ann in Albain na Gaeilg Íle.

[golaoi]

Braitheann freagra na ceiste go huile agus go hiomlán ar do shlat tomhais.

Déarfadh teangeolaí gur teanga inti féin í de bharr neamhchomhthuisceana.

Sin dearcadh amháin.

Déarfainn féin go bhfuil sé chomh fuirist í a fhoghlaim don chainteoir Gaeilge gur chanúint í.

[Ceilteach]

Ní teanga amháin iad Gaeilge agus Gaeilge na hAlban, tá fuaimniú, gramadach, cuid mhór focail difriúil...

Tá siad cosúil le chéile mar a bheadh Spáinnis agus Portaingéilis ann.

[bullyee]

Thainig gaeilge Na hAlban as gaeilge na hEireann. (ar ndóigh is teanga Q cheilteach iad a chomh maith le gaeilge Oilean Mhannain)