An chéad toghchán uachtaránachta eile

[Joeyjoejoe]

Beidh ár chéad uachtaránacht ghaimbíneach againn de réir na pobalbhreitheanna.

Seán Gallaghér, céad gaimbín na hÉireann nó Michael D Higgins, céad saoránach na hÉireann - sin an rogha anois

Bhí daoine ag cur na ceiste - an bhfuil muid réidh d'Uachtarán aerach? An cheist anois ná an bhfuil muid reidh d'Uachtarán Fhianna Fáileach? Tá súil agam nach ndúisim maidin amárach le freagra dearfach don dara cheist!!!

[Fear Rua]

Tá sé an spéisiúil ag breathnú siar ar na céad raitis ar seo. Bertie, Dukes, Garrett &rl .

[DuineEile]

Bhí daoine ag cur na ceiste - an bhfuil muid réidh d'Uachtarán aerach? An cheist anois ná an bhfuil muid reidh d'Uachtarán Fhianna Fáileach? Tá súil agam nach ndúisim maidin amárach le freagra dearfach don dara cheist!!!

Fuair Gallagher uimhir a seacht domsa ar aon nós.


D

[Joeyjoejoe]

Fuair Gallagher uimhir a seacht domsa ar aon nós.


D

Tá Seán Gallagher ar 6.37% sa phobalbhreith ar an bpríomhleathanach - níl mórán tacaíochta aige san áit seo!

[diarmaid]

Comhghairdeas do Micheal D O hUiginn. Is fear e a thug tacaiocht don Ghaeilge i gconai, fear gur feidir le lucht na Gaeilge a bheith broduil as.

[iago1709]

Is dócha gurb é Michael D. an duine is fearr acu ó thaobh na Gaeilge de. Comhghairdeas.

[DeGaulle 2.0]

Tá an toghchán thart anois, buíochas le Dia.

Comhghairdeachas to Michael D - fuair sé an #2 uaim. Bhí an t-ádh air - bhí sé ró-chúramach agus é i mbun feachtais.

Ní bheidh Seán Gallagher ró-sásta anocht. Bhí an uachtaránacht beagnach ina lámh aige nuair a thit gach rud as a chéile.

Ceapaim go raibh Sinn Féin ag súil le líon vótaí níos airde - ba é McGuinness an t-aon iarrthóir ó A-Liosta a pháirtí san iomaíocht agus ní bhfuair sé ach 3% níos mó ná vótaí an pháirtí san olltoghchán.

B'fhéidir gurb é botún do Norris teacht ar ais tar éis dó éirí as an rás. Ní raibh seans aige an ceann is fearr a fháil ar Michael D tar éis na conspóide (agus conspóid bheag a bhí inti i ndáiríre nuair a smaoiníonn tú ar na páistí a mharaigh cairde McGuinness).

Droch-lá amach is amach a bhí ag Gay Mitchell agus FG. Tá ceacht foghlamtha ag an bpáirtí - beidh siad níos cúramaí ag roghnú iarrthóirí as seo amach (tá súil agam).

Dana - timpiste gluaisteán a bhí ann.

Mary Davis - níl a fhios agam cad a tharla di. Cén fáth gur thacaigh daoine le Gallagher agus gur dhiúltaigh siad tacú le Davis? Ní thuigim.

Ní bheidh Michael D mar uachtarán againn ach ar feadh téarma amháin - cé bheidh san iomaíocht i 2019?

[AntEagnai]

Níl aon chiall ag Dana, tá sí ag smaoineamh faoi iarracht eile a déanamh i 2019.

Ní chloisfimid ó Davis arís ar feadh tamaill an-fhada. Nach mó an náire é críochnú taobh thiar do Dana.


A tá sé clúdaithe sna meáin. 7 iarrthóir agus gan duine láidir ann. Tháinig McGuinness síos ach ní dhearna sé faic (seachas Gallagher a scriosadh)! Bhíomar ró-thógtha leis an stair a bhaineann leis. Ní SFer mé, ach thug mé vóta dó os rud é go bhfuil faitíos ar daoine roimhe...lean na ‘scéalta’ é gach lá don fheachtas.

Botún mór a bhí ann do Norris. Is carachtar den scoth é (rud a chonaiceamar ar an Frontline leis na ráiteas greannmhar/cliste) ach ní Uachtarán é.


Tá súil agam go mbaineann Higgins úsáid maith as a sheal san Áras

[duine n]

Is beag cumhacht pholaitiúl ag an uachtarántacht, mar sin, tuige a bhfuil polaiteoiríní ag cur isteach air?

Is oifig siombail é; duine thar polaitíocht atá uaim: duine nach polaiteoirín é a bhfuil dearcadh státaireachta aige.

Tá Éire molta as a scríobhneoirí agus a ceol. Cad faoin oifig a thabhairt do cheolteoir? Bono? Geldof? ( tá céim urraim aige cheana ó na Sasanaigh ), Sinéad Ní Chonchubhair?

Duine a scaoilfeadh amach an bobailín?

Alan Titley? Cathal Ó Searcaigh? Gabriel Rosenstock?

Bhuel, níor chomhlíon Daidí na Nollag ( Daidí an Fhomhair ) mo mhianta go hiomlán.

D'fhán an Titlaoch, an Searcadh agus an Rosenstocach mar a bhí said, ach scríobhneoir le Gaeilge atá in Áras Pháirc an Fhionnuisce. Léigh Daidí na Nollag mo litir gan dabht