Cén fáth nach bhfuil aon stáisiún náisiúnta Gaeilge do dhaoine óga?

[Fallen Angel]

Tá a fhios agam go bhfuil Raidió Rí-Rá faoi lán sheol anois. Ar an drochuair, níl sé le fáil ach ar an idirlíon.

Raidió Rí-Rá


Agus go bhfuil "AnochtFM" cheana féin ag Raidió na Gaeltachta. Ach an leor é sin?

Anocht FM


Cén fáth nach bhfuil aon stáisiún náisiúnta ar an minicíocht FM dírithe ar dhaoine óga??
"Raidió na nÓg"

[Darren Mac an Phríora]

Tá réiteach air seo. Tá Raidió Fáilte i mBéal Feirste ag tabhairt sampla. Sheol siad iarratas isteach chun a bheith ag craoladh timpeall an Tuaiseart ar fad. Ba chóir do Raidió na Life i mBÁC an rud céanna a dhéanamh don Deisceart.

[Ceilteach]

Ná déan dearmad fá iClub ar Raidió na Gaeltachta.

[deirdrem]

"Cén fáth nach bhfuil aon stáisiún náisiúnta Gaeilge do dhaoine óga?"

Teideal maith ar chomhrá. Agus ní hé go bhfuil gach minicíocht gafa, ach an oiread.

An freagra atá agam: mar ní suim le polaiteoirí an t-aos óg. Ba mhaith leo go n-imeodh an t-aos óg leo ar an mbád bán, agus daoine saoire chun fostú a chur ina n-áit.
Mar a tharla le hIrish Ferries.

[Culann]

"Cén fáth nach bhfuil aon stáisiún náisiúnta Gaeilge do dhaoine óga?"

Teideal maith ar chomhrá. Agus ní hé go bhfuil gach minicíocht gafa, ach an oiread.

An freagra atá agam: mar ní suim le polaiteoirí an t-aos óg. Ba mhaith leo go n-imeodh an t-aos óg leo ar an mbád bán, agus daoine saoire chun fostú a chur ina n-áit.
Mar a tharla le hIrish Ferries.

Ceist mhaith. Tá mé ag ceapadh go bhfuil sé luaite go sonrach sa bPlean 20 bliain go mbeidh ceann ann amach anseo. Is faoi pholaiteoirí lucht an fhreasúra atá sé anois a dhéanamh cinnte go gcomhlíontar aidhmeanna an phlean seo - rud nach bhfuil ag tarlú feictear dhom.

[LowIQ]

Tá sibh go léir ag fanacht ar an rialtas. Mo náire sibh. Éirigí as bhur dtóineanna agus déanaigí rud éigin.

[Culann]

Tá sibh go léir ag fanacht ar an rialtas. Mo náire sibh. Éirigí as bhur dtóineanna agus déanaigí rud éigin.

Nach bhfuil daoine éirithe as a dtóineachaí le dhá bhliain anuas, ag déanamh an-obair, ach ag teip dul chun cinn an-mhór a dhéanamh maidir leis an gceist seo? Ar an drochuair bíonn rudaí mar seo ag brath ar airgead stáit. Dúirt an rialtas go raibh siad ag iarraidh go mbeadh stáisiún raidió Gaeilge agus, mar sin, ceapaimse go bhfuil dualgas ar lucht an fhreasúra a dhéanamh cinnte go ndéanann an rialtas beart de réir briathair.

Rud eile, creidimse gur thit an tóin as an ré dheonach de réir mar a d'fhás an tíogar ceilteach agus, dá bharr sin, níl mórán daoine fanta a bheadh sásta tabhairt faoi rudaí deonacha gan íocaíocht mar seo. Tá sé sin brónach ach sin mar atá, faraor.