Is eol dom go bhfuil stáisiún ag freastal ar an phobail Gaelach sa mhórcheantair Béal Feirste darb ainm "Raidió Fáilte".
Ach an bhfuil an tóir agus an tacaíocht ann i gCúige Uladh chun stáisiún nua ag craoladh ar fud an chúige?
Dá mbeadh stáisiún mar seo ag craoladh cheana féin, an gcuirfeadh an stáisiún nua seo isteach ar Raidió na Gaeltachta?
Agus an mbeadh teannas idir RnaG agus an stáisiún nua lán Ghaeilge sa tuaisceart?
Last edited by Fallen Angel; 6th October 2008 at 06:23 PM.
Sílim go bhfuil muintir an Tuaiscirt den tuairim go bhfuil gá le staisiún raidio Ghaeilge ó thuaidh cinnte agus ar eigean go bhfuil a fhios acu go bhfuil a leitheid de staisiún ann agus Raidio na Gaeltachta nó ní bhaineann sé leo. Tá Raidió Fáilte - Radió Fáilte - ag déanamh sar oibre agus is féidir liomsa éisteacht leis ar an idirlíon, ar chláracha ar nós Eoghan O Néill is eile.
Creidim go bhfuil Raidio na Gaeltachta buartha mar gheall ar Raidió Fáilte sa chaoi céanna go bhfuil siad buartha faoi Raidio na Life. Tugaim faoi ndeara mar shampla nach dtugtar aitheantas do na staisiúin pobail seo ag Gradaim Meáin Cumarsáide an Oireachtais - de bharr go bhfuil na votaí ar fad ag Raidio na Gaeltachta agus go gcoiníonn siad na gradaim acu féin.
Tá mé féin i mo chónaí i dTír Eoghain agus cé gur maith liom Ráidió Fáilte a bheith ann, tchím féin meon na críochdheighilte ag leathnú i measc na nGael... Acht Teanga do na Sé Chontae, Stáisiún Ráidió do na Sé Chontae, Scátheagras Phobal na Gaeilge do na Sé Chontae srl srl.
Mar phoblachtánach agus mar náisiúntóir, cuireann an meon sé-chontaethach seo isteach ormsa. Mar dhuine de mhuintir Thír Eoghain, cuireann an Béal Feirsteachas a bhaineann leis isteach orm chomh maith. Ach tá meas agam ar an spiorad, agus ar an tabhairt faoi.
San am céanna ní dhéanann Ráidió na Gaeltachta freastal ceart ar na Gaeil sa chuid seo d'Éirinn... agus tá na seirbhísí seo ag Ráidió Fáilte srl ag freastal ar an phobal sin. Is maith ann iad, mar sin, agus tá meas as cuimse agamsa ar chuid mhór de na daoine atá rannpháirteach sna forbairtí seo.
Ach b'fhearr liom féin gach rud a bheith dírithe ar Chúige Uladh ar fad nó ar an tír ar fad. Ná tugtar an chríochdheighilt isteach sa teanga chomh maith.
Tá oifig ag Sinn Féin ar Bhóthar na bhFal, díreach in aice le Cumann na Méirleach, agus deirtear ar an doras gurb é an oifig chúige. Ghlac mé leis gurb é sin Cúige Uladh go bhfaca mé an leagan Bhéarla - agus séard a dúirt sé sin gurb é 'Six Counties office'. Sin crioch dheighilteachas ag libhéal an neafaiseach - ach ansin tugaim faoi ndeara go bhfuil deighilt i SF idir na sé contae agus na 26 contae agus go mbionn teannas eatarthu, agus nochtadh é sin go follasach nuair a labhair Gerry Adams i ndíospóireacht roimh an olltoghcháin anuraidh agus cáineadh é go géar as an easpa léargais a bhí aige ar chúrsaí na 26 contae.
Seo an rogha a dheineann an príomh phairtí pholatúil ó thuaidh. Ní doigh liom go bhfuil rogha choinsiasach á dhéanamh ag Raidió Fáilte - cuireann siad dea sheirbhís ar fáil do Bhéal Feirste mar is ansan atá siad lonnaithe. Deirtear liom go bhfuil sé i gceist acu an raidio a leathadh ar fud an tuaiscirt - b'fhearr liom féin go neartódh siad an seirbhís i mBéal Feirste agus daoine a fhostú i gceart seachas bheith ag brath ar obair dheonach go h-iomlán.
Sílim, áfach, nár cheart bheith ag smaoineamh ar an rud atá á bhainta amach ar bhonn criochdheighilteach - ba cheart féachaint air agus a rá seo raidió áitiúil agus má oibríonn sé anseo i mBéal Feirste cén fath nach n-oibreodh sé sa bhaile beag agamsa?
Ní chreidimse go gcosnódh sé an oiread sin é a thosnú - d'fhéadfadh duine é a thosnú ar an idirlíon agus gan agat ach riomhaire agat, micreafón agus ceangal idirlíne.
Sin an rud le déanamh, a Sheáin.
Níl am ar bith agamsa le héisteach leis an ráidió, gan trácht ar a bheith ag reáchtáil stáisiún ráidió!
Agus aontaím leat faoi Shinn Féin sa chás sin, chomh maith. Ach tá an críochdheighilt ag sleamhnú isteach in achan rud... sin mar a tchím féin é.
Tá an ghné sin dá polataíocht ligthe i ndearmad ar fad ag SF le tamall anuas - b'fheidir gur thug tusa sin faoi ndeara romhamsa! Ar aon nós, creidim go bhfuil gá le leitheidí Raidió Fáílte agus gur cheart bealach éigean a aimsiú chun a leitheid a chur ar bun i ngach áit ar feidir. Agus ba cheart duit am a aimsiú id lá chun eisteacht leis....nár cheart go mbeadh a leitheid de staisiún i ngach chontae faoi chúram gach oifigeach Ghaeilge ag gach comhairle chontae! Bheadh sin ina fhíor chabhair don Ghaeilge agus dá pobal sna contaethe sin....
Aontaím le Seánod faoi mheon seo na críochdheighilte. Níor mhaith liom mar shampla go mbeadh stáisiún teilifíse ag Gaeil an tuaiscirt mar atá ag Gaeil na hAlba agus ag na Breatnaigh. B'fhearr i bhfad dar liom na cláracha Gaeilge a dhéantar ó thuaidh a chraoladh ar TG4, láithreacht TG4 a ardú sna sé chontae agus a dhéanamh cinnte go bhfuil an stáisiún le fáil ag gach Gael ar fud an oileáin ar fad.
Scéal iomlán éagsúil é an raidió ar an ábhar nach bhfuil stáisiún mór náisiúnta againn. Tá stáisiún Gaeltachta againn agus cúpla stáisiún áitiúil. Tá féidearthachtaí éagsúla ann maidir le seirbhísí raidió don tuaisceart - stáisiúin bheaga nó stáisiún mór réigiúnda.
Conradh na Gaeilge in eadan Foras na Gaeilge.... Lá in eadan gach irisleabhar dar foilsiodh ariamh.... Radio Feirste agus na Life ag tabhairt an dushlain do Radio na Gaeltachta.... Lucht leanuna na Se Chondae ag troid leis na hUltaigh..... Teannas idir S.F. 6 chontae agus S.F. 26 chontae.............. Dia ár Sabháil O Raiste ni bheidh Eire aontaithe agus tu abalta do tionchar a spré thart.Originally Posted by LiamORaiste
Ná scaoil an teachtaire, Bullyee. Nílim ach ag nochtad faoi mo bharúil faoi na teannais a fheicim idir eagrais éagsúla agus, dar liom, a bheadh soiléir do dhuine dall.
Sa deireadh thiar, táim ar son gach ghníomh a chuireann an Ghaeilge chun cinn. Tugaim faoi ndeara gur daoine ar an talamh seachas institiúidí a dheineann an obair is fearr.
I can't speak Irish well (I was born in London), so excuse me for interjecting. When I was away recently I saw the launch of BBC Alba, a Gaelic TV station for the Gaelic speakers of Scotland. It was available on Sky in Britain (and in Spain, where I was), but isn't available here. I think it should be, I think that Gaelic speakers here would benefit from a TV station that exposes them to the dialect spoken by our cousins in the Highlands and Islands of Scotland. What does anyone else think? (Reply in Irish if you wish, I have enough to broadly understand).
LinkBack URL
About LinkBacks
Reply With Quote