Foras na Gaeilge le Lá Nua a dhúnadh

[Joeyjoejoe]

Níl Foras na Gaeilge chun airgead a chur ar fáil do nuachtán laethiúl Gaeilge ó mhí Aibreán seo chugainn de réir an scéala seo, deireann siad nach bhfuil margadh ann do nuachtán laethiúl, is cosúil mar sin go mbeidh Lá Nua ag dúnadh.

Is buile mhór é seo don Ghaeilge, ní raibh an nuachtán iontach, agus bhí sé neamhghairmiúil in amanna (eg dátaí mícheart ar na leathanaigh, lá mícheart uair amháin chonaic mé!), ach ag deireadh an lae b'fhearr é a bheith ann ná gan é, beidh guth Gaelach imithe i léig agus is bocht an scéal é munar féidir le muintir na hÉireann oiread is nuachtán laethiúl Gaeilge amháin a choinnéal beo, go háirithe nuair atá os cionn 230,000 cóip de na nuachtáin Shasanacha a cheannach sa tír in aghaidh an lae. (330,000 leis an Star san áireamh)

http://www.gaelport.com/index.php?page= ... iewby=date
http://www.finfacts.ie/finfactsblog/200 ... -2007.html

Aisteach go leor ach níl mórán raite faoin scéal seo go fóill, i gcomparáid leis an mbagairt a bhí ann don nuachtán níos túisce i mbliana;

viewtopic.php?f=164&t=31384&st=0&sk=t&sd=a

[Evil Eco-Fascist]

An mbeidh siad ag filleadh ar an bhformáid sheachtainiúil a bhí acu roimhe seo, nó an bhfuil sé le dúnadh go hiomlán?

[Joeyjoejoe]

Seo an rud a deireann an scéal;

"In áit nuachtáin laethúil, mar atá faoi láthair i Lá Nua, beidh Foras na Gaeilge ag cur maoinithe i bhfoirm deontais i gcabhair, nach mó ná EUR 400,000 in aghaidh na bliana ar fáil do nuachtán seachtainiúil Gaeilge a fhoilsiú agus le seirbhís leictreonach a chur ar fáil."

Ní bheidh ach nuachtán seachtanúil amháin ann, agus ní dóigh liom go dtabharfaidh an Foras an €400,000 do Lá seachas Foinse.
N'fheadar an mbeidh siad in ann maireachtáil mar nuachtán seachtanúil gan deontas, ní dheirfinn é ar an chaoi.

Tá an port seinnte is cosúil

[Seánod]

B'ait liom an méid a bhí le rá ag Máirtín Ó Muilleoir faoin scéal ar an chéad leathanach. Ní raibh aon cháineadh nó aon impí ina chuid cainte... agus 'fáilte' a chuir sé roimh an scéal fiú.

Níl a fhios agam cén fáth nach dtiocfadh leis an Fhoras maoiniú a chur ar fáil do nuachtán faoi dhó sa tseachtain... An Chéadaoin agus an Satharn, mar shampla. Aontaím leis an Fhoras nach bhfuil margadh ann do nuachtán laethúil san am i láthair, ach sílimse nach leor páipéar seachtainiúil amháin le freastal mar is ceart ar phobal na Gaeilge, ar dhóigh a bheadh fuinniúil agus ar ardchaighdeán san am céanna.

[file]

Tá tuairiscí faoi bhás Lá Nua ina aibhéil mór, le habairt a ghoid ón Bhéarla.

Beidh comórtas ann fá choinne nuachtán seachtainiúil agus seirbhís leictreonach nuachta. Cinnte tá taithí ar Foinse ar nuachtán seachtainiúil a chur ar fáil, ach tá an taithí chéanna ag Lá Nua - bhí Lá seachtainiúil sula ndeachaigh sé go laethúil arís. Agus tá i bhfad níos mó taithí agus saineolaíocht ag Lá Nua ar sheirbhís leictreonach nuachta a chur ar fáil ná mar atá ag Foinse. Comórtas atá fógartha ag Foras na Gaeilge, ní seic bán do Foinse.

Tacaithe ar shiúl; go dtosóidh na cluichí....

[Seánod]

Nó Lá Nua agus Foinse comh-iarratas a chur isteach, agus iarracht a dhéanamh an dá thrá a fhreastal, agus nuachtán níos fearr a chur ar fáil. Ní déarfainn féin go bhfuil Lá Nua as an iomaíocht, ná baol air. Tá laigí agus láidreachtaí ag an dá nuachtán. B'fhearr na láidreachtaí a shnaidhmeadh le chéile.

[Joeyjoejoe]

Tá tuairiscí faoi bhás Lá Nua ina aibhéil mór, le habairt a ghoid ón Bhéarla.

Beidh comórtas ann fá choinne nuachtán seachtainiúil agus seirbhís leictreonach nuachta. Cinnte tá taithí ar Foinse ar nuachtán seachtainiúil a chur ar fáil, ach tá an taithí chéanna ag Lá Nua - bhí Lá seachtainiúil sula ndeachaigh sé go laethúil arís. Agus tá i bhfad níos mó taithí agus saineolaíocht ag Lá Nua ar sheirbhís leictreonach nuachta a chur ar fáil ná mar atá ag Foinse. Comórtas atá fógartha ag Foras na Gaeilge, ní seic bán do Foinse.

Tacaithe ar shiúl; go dtosóidh na cluichí....

B'fhearr liom go mór dá bhfaigheadh Lá Nua an conradh, sílim go bhfuil siad níos nuálaí agus níos bríomhaire ná Foinse, ach ní dóigh liom go bhfuil an Foras chun Foinse a dhúnadh agus an t-airgead a bhogadh ó Chonamara go Béal Feirste.

[LiamORaiste]

Tá an Fhoras ag tapú na deise tacú le Foinse agus an scian a chur i Lá Nua sa bhfógra seo. Ach ní leor an €400,000 chun an jab atá siad ag iarraidh a dhéanamh - nuachtán feabhsaithe seachtainiúil agus seirbhís nuachta idirlíne. Mar atá sé faigheann Foinse €320k sa bhliain. Níl ach €80,000 ann chun nuachtán níos mó agus níos a chur ar fáil, seirbhís nuachta ceart idirlíne a bhunú agus margaíocht a dhéanamh ar an dtairge. An craiceann agus a luach atá an Fhoras ag lorg - agus iad ag iarraidh ciorrú de thart ar €150,000 a dhéanamh ar an méid airgead a bhí á chaitheamh acu go dtí seo ar an dhá nuachtán. [Bhí iocaíócht de thart ar €250,000 nó £197,000 in aghaidh na bliana á fháil ag Lá Nua ó 2006.] Bheadh €500,000 in aghaidh na bliana ina shuim níos réadúla - agus bheadh an Fhoras go fóill ag ciorrú ar an mbuiséad!

An rud is fearr ar féidir le Lá Nua a dhéanamh foilsiú ar an líon amháin i ndiaidh mí Aibreán seo chughainn, seirbhís nuachta dá gcuid féin a bheith acu agus roinnt colúnaithe úra a aimsiú chun beocht a bheith ar an suíomh. Ná bac leis an deontas ón bhForas go dtí seo - is féidir leo airgead a chnuasú ar bhealaí eile. Sintiús idirlíne? Achainí? Fograíocht? Tá margadh mór ann do Ghaeilge gach lá amuigh ansin - ach teacht i dtír air. Creidim gur an líon a bheidh sé agus go mbeidh sé cumtha cuid mhór d'fhoghlaimeoirí.

Creidim go bhfuil port Uí Mhuilleoir chomh seimh mar go dtuigeann sé mura mbuann Lá Nua an chonradh, beidh sé ag dul ag triail ar dhoras an Fhorais le fiontair eile agus nior mhaith leis titim amach leo faoi phort seinnte. Sin é mo bharúil - níl a fhios agam i ndáiríre.

[Micilín Muc]

Taobh amuigh de chúrsaí Lá Nua, ar fhógair Foras na Gaeilge go mbeidís ag déanamh aon ghearradh siar eile ar a mbuiséad féin seachas gearradh siar ar an mbuiséad d'fhoilseacháin nuachta?

Mar chuid d'iarracht na Roinne Airgeadais gearradh siar a dhéanamh ar chaiteachas na ranna rialtais agus na gcomhlachtaí poiblí, d'iarr an Roinn Oideachais & Eolaíochta ar na hinstitiúidí tríú leibhéal gearradh siar de 3% a dhéanamh ar a bpárollaí ón am i láthair go deireadh 2009. Ní fios go fóill cén éifeacht a mbeidh ag an ngearradh siar seo, .i. an mbeidh postanna á gcailiúint nó an mbeidh gearradh siar de 3% ar thuarastal gach fostaí ...

Ach ó thaobh Fhoras na Gaeilge de, níor mhaith liom a fháil amach gurb ionann an gearradh atá á dhéanamh ag FnaG ar an mbuiséad d'fhoilseacháin nuachta agus an gearradh siar iomlán a bheidh acu ... Chiallódh sé go bhfuil FnaG sásta comhlachtaí ar nós Lá Nua a chur i mbaol seachas gearradh siar a dhéanamh ar a gcaiteachas inmheánach féin, agus ba náireach an rud sin agus an droch-chaoi atá ar FnaG faoi láthair.

[Fear Ionaid an Rí]

Bhí cineál idealachais seafóidigh taobh thiar de Lá Nua i gcónaí, cheap mé. Agus nílim ag caint faoin meon Sinn Féineach a bhí ann. Cheap siad toisc go raibh ceart ag lucht labhartha na Gaeilge páipéar laethúil a bheith acu go raibh dualgas ar duine éicint an aisling sin a fíorú. An toradh a bhí ar sin ná nuachtáin laethúil ar iseal-caighdeán agus nach raibh seans ar bith aige maireachtail agus bísiú.

Ceapaim fhéin gur chóir dóibh (nó duine éicint eile) díriú ar nuachtáin lár-seachtainiúil agus bfhéidir, má fhaighean sé maoiniú rialtais, go dtiocfadh rath air