Lá Nua slán

[An Fear Dubh]

Déa-scéal don Ghaeilge, ar ndóigh, gur tháinig Lá Nua slán as an bpriacal airgeadais ina raibh sé, ach eascraíonn ceist as seo uile: más léir nach bhfuil ceannach mór ar nuachtán laethúil Gaeilge, an bhfuil sé ciallmhar na mílte euro a chur amú trí leagan clóbhuailte a tháirgeadh? Dar liom nach fiú. Sílim gur smaoineamh maith a bhí sa phlean acu gan ach leagan leictreonach a dhéanamh agus 'scotheagrán' seachtainiúil a dhíoladh agus leis an t-airgead a shábháiltear barr feabhais a chur ar a bhfuil sa nuachtán. B'aoibhinn liom dá mbeadh tuilleadh alt ann faoi chursaí reatha náisiúnta agus idirnáisiúnta. Na téamaí a ndéantar trácht orthu ar Lá Nua, bíonn siad teoranta go leor, agus uaireanta cuireann an tsíorchaint ar an DUP as do léitheoirí sa Phoblacht, léitheoirí nach bhfuil an tsuim chéanna acu i gcúrsaí polaitíochta ó thuaidh.

[LiamORaiste]

Ní doigh liom gur cheart do Lá Nua aon leithscéal a ghabhail as bheith 'ag síor chaint ar an DUP' mar tá lámha an phairtí sin anois ar sparán na Gaeilge agus mar sin tá sé ábharach do mhuintir an deiscirt fosta. Beidh siad ag fulaingt dá bharr go luath. Fán go mbeidh an chéad iarratas ar chúnamh ar son leabhar le conspóid faoi os comhair Bórd an Fhorais....

Ach aontaím leat go raibh an cheart ag an nuachtán an bealach radacach chun tosaigh a mholadh, sé sin dul ar an idirlíon amháin le sar eagran clóite gach seachtain. Is é sin an bealach chun tosaigh ach níor ghlac an Fhorais leis.

Dá dteipfeadh Lá Nua, agus dá mbeadh an Irish News leis an conradh a fháil, is cinnte go mbeadh costas i bhfad Éireann níos mó ar an bhForas ná an méid suarach a thugann siad do Lá Nua faoi láthair. Ach, ar ndóigh, ní féidir tuiscint ar chúiseanna práínne na foilsitheoireachta laethúla a mhúineadh do dhream nach féidir leo tuarascáil nó cúntais bhliantúla a fhoilsiú go dtí 3 nó ceithre bliana i ndiaidh sin arís.

Tá tuairisciú maith cúrsaí reatha ag Lá Nua - colúnaithe den scoth iad leitheidí Máirtin Mac Eoin, Eoin Ó Néill, Seán Ó Tuairisc, Máirín Ní Ghadhra, Dónal Mac Giolla Chóill agus Diarmuid Ó Ceallaigh. Níl siad teorannta ná baol air don tuaisceart.

[RG Cuan]

Tá an-áthas orm gur tháinig Lá Nua fríd an ghéarchéim seo agus gur thacaigh pobal na Gaeilge leis an nuachtán.

Is cinnte go bhfuil pointe ag an Fhear Dubh maidir leis an bhealach chun tosaigh don pháipear ach sílim féin gur féidir le Lá Nua tógáil ar an obair atá déanta acu agus leagan laethúil clóite a choinneáil ag dul.

Má bhíonn tacaíocht iomlán ann ón Fhoras agus an dá rialtas, bhainfí líon i bhfad níos mó léitheoirí amach.

[LiamORaiste]

Tá sé ráite ag Éamon Ó Cuív gurb é sprioc an Rialtais go mbeadh 250,000 cainteoir laethúil Ghaeilge ann faoi 2028. Nil aon amhras ormsa nach mbainfear amach an sprioc seo gan nuachtán laethúil Ghaeilge laidir bheith in áit agus síllim go bhfuil Lá Nua san áit is fearr chun tabhairt faoin obair seo. Ní sholathróidh aistriúcháín dúra de chaipéisí nach léitear i nGaeilge an fhoclóir chun go mbeidh nithe speisiúla le plé ag na cainteoirí laethúla seo - déanfaidh TG4, RnaG, Lá Nua agus Foinse sin, mar aon le h-irisí ar nós Nós*, Beo agus eile. Tá gá le h-abhar i nGaeilge atá speisiúil, ildánach agus bríomhar. Cuireann sé as dom i gcónaí go gcaitear furmhór airgead na Gaeilge ar aistriucháin nach léifear choiche. Cén fath nach gcuirtear na h-aistritheoirí ag obair ar shaothar a mheallfaidh daoine go dtí an Ghaeilge seachas saothar a líonfaidh dumpannaí le h-abhar doleite agus a bhrostóidh téamh domhanda tre leagadh na gcrann san Amasóin!

[An Fear Dubh]

Maidir le tuairim LiamOraiste nach chóir go n-aistreofaí cáipéisí nach léitear, is tuairim sin a chloistear go minic ach ní aontaím leis. Ní féidir teanga a athbheochan gan líon áirithe cáipéisí oifigiúla a chur ar fáil sa teanga sin. Caithfidh go bhfuil teacht ag an bpobal ar phríomhfhoilseacháin an rialtais, chun úsáid na teanga a normalú. Agus ná déanaimis dearmad nach bhfoilsítear ach céadatán an-bheag de fhoilseacháin uile an stáit, mar sin ní dóigh liom gur féidir a rá go bhfuiltear ag aistriú an iomarca. Rud eile de, tá an nós aistriúcháin seo tar éis meon dátheangach a chruthú laistigh den státseirbhís.

Ó thaobh an AE de, ní hé go mbeadh an t-airgead a chaitear ar asitriúchán Gaeilge san AE ar fáil le haghaidh rudaí eile dá mba mian an stáit é-- ní bheadh. Ní hé go raibh rogha ag an rialtas X milliúin euro a chaitheamh ar rialacháin, treoracha srl a aistriú nó é a chaitheamh ar rudaí "a mheallfaidh an daoine go dtí an Ghaeilge", (ar Lá Nua, cuirim i gcás) -- ní raibh. Ar a laghad tá an stádas nau seo atá ag an nGaeilge san AE tar éis léann an aistriúcháin a fhorbairt go mór

[LiamORaiste]

Níor chóir go n-aistreofaí chaipéisí nach léitear go Gaeilge. Is cuma sa tsioc faoi stadas bheith ag an nGaeilge agus caipéisí bheith ar fáil - ach ní rud normálta é ar bealach ar bith go mbeadh airgead, dua agus dubhach á chaitheamh le rudaí a aistriú go Gaeilge nach léifear nuair atá éileamh ann le h-aghaidh téacsleabhair do phaistí, irisí do dhaoine óga agus do dhaoine fásta, nuachtáin is eile. Ní fiú FOCÁL léann an aistriúchán don domhan nó don Ghaeilge mura bhfuil sé ag cur abhar ar fáil a léifear agus is saothar in aisce Mí Mhorálta é bheith ag aistriú stuif go Gaeilge ar mhaithe leis bheith ann.

Is cuma liom mar gheall ar bhuiséid an Aontais Eorpaigh agus an Rialtais - mar gheall ar an cineal idirdhealú Íosagánach a bhionn ar bun ag maorlathaithe chun a bpostanna féin a chruthú agus an Ghaeilge a choinneáil beo trí í a mharú lena dteanga gan chiall. Mura bhfuil an rogha ag an Rialtas an bealach a chaitear an t-airgead ar abhar Ghaeilge a roghnú, ní fiú faic iad. Ní seo a gcuid airgid, is ár gcuid airgid atá ann. Níl an cheart acu é a chur amú ar ár son ar nithe nach bhfuil aon tairbhe iontu. Agus áirím caipéisí nach léitear ina measc seo. Má leanann aos áirithe i bpobal na Gaeilge ag gabhail den phort go bhfuil stadas fiúntach mar go bhfuil sé ag cothú léann an aistriúchain ionas go mbeidh cartlannaí lána againn d'abhar nach léifear, beidh an bás tuillte ag an Ghaeilge agus an locht orthu go príomha.

[Setanta32]

Tá mé ag súil go mór leis an gcéad eagrán de Nós* a léamh.

Más iris sách mhaith é a dhéanfaidh freastal ar na spéiseanna atá ag daoine óga, déanfaidh sé sin go leor leor ar son na gaeilge.

Beidh le feiceáil.

[MacDomhnaill]

Deascéal é athfhoilsiú Lá Nua gan dabht, léitheoir níos lú ná sé mhí a bhí ionam nuair a stad sé agus bhí fíor-dhíomá orm, caithfidh mé a rá.

Ach maidir le fhoilsiú cáipéisí nach léitear, is é sin rud a chuirfeadh fearg ar lucht neodrach na hÉireann, nach bhfuil suim acu sa teanga pé chaoi muna bhfuil sé ag cur as dóibh. Tugann sé casus belli do dhaoine a bhfuil ag iarradh dochar a dheanamh d'athbheochan an teanga agus cuireann sé as do dhaoine nach bhfuil ag tabhairt aird.

[LiamORaiste]

Deascéal é athfhoilsiú Lá Nua gan dabht, léitheoir níos lú ná sé mhí a bhí ionam nuair a stad sé agus bhí fíor-dhíomá orm, caithfidh mé a rá.

Nior stad sé, a Mhic Uí Dhomhnaill. Tá sé ann gan stad ó bhí 1984. Bhí treimhse ann idir 1992 agus 2003, áfach, go raibh sé ina nuachtán seachtainiúil, ach tá sé ina nuachtán laethúil, in ainneoin na n-ainneoin ó shin.

[duine n]

Tá sé 24 bhliana d'aois leoga

An mó de na blianta a bhí gan deontas ?