Deireadh leis an iris Comhar

[LiamORaiste]

Is mór an náire d'Fhoras na Gaeilge gur chuir siad deireadh le Comhar sara raibh iris eile chun teacht i gcomharbacht air. Is mór an náire do Chaoilfhionn Nic Phaidín, atá ceaptha ar bhord Fhoras na Gaeilge, nach é sin an port atá aici seachas bheith ag caoineadh uiscí a cinn, is cosúil, mar gheall ar bhás Comhar. Tá leigheas deacrachtaí Comhar aici féin ach tabhairt faoi agus maoiniú mar is ceart a chur ar fáil le go mbeidh Comhar ina iris cheart. Ní fiú an leanbh a chaitheamh amach leis an uisce salach, mar atá déanta ag FnaG.

[duine n]

náire, náire, náire....

An é seo slat tomhais gach chúrsa Gaeilge?

[LiamORaiste]

B'fheidir nár mhiste thú a threorú i dtreo diospóireacht eile atá gaolmhar le seo, Comhar beo go fóill, nó is cosúil gur fhoilsigh an Irish Times feartlaoi Comhar ro luath. Tá an iris le leanacht ar aghaidh agus beidh eagrán roimh dheireadh na miosa in ainneoin cinneadh an Fhorais.

[duine n]

Bhal sin a léigh mé ar LÁ NUA inniu!

[Gary]

Geallaim dhaoibh anois nach mbeidh mé in ann teacht ar friggin Comhar ag deireadh na míosa seo in Easons mar gheall ar an méid poiblíochta faighte ag an irisín ghaelach anois.

Darren:

Bá chóir iris nua a bhunú le topaicí i leith polaitíocht, cursaí reatha, spórt agus ceol chomh maith le altanna faoi litríocht agus scríobhneoireacht.

Bíonn a leithéid i gComhar. Agus déarfainn nach mbeadh dul amú orm le rá nach léann tú é.
Sin ráite, bhí cuma seanfhaiseanta air i ndáiríre agus bhí gá le hinfheistíocht cheart.
Nach mór an náire é nach bhfuil mic léinn na Gaeilge ag cur leis agus ag iarraidh na hirise agus a gcuid scríbhneoireachta féin a fhorbairt?
Feictear domsa go gcaitheann an mac léinn Gaeilge an iomarca ama ar Phaisean Faisean na linne seo in áit a bheith ag cumadh aislingí dá mhuintir

[RG Cuan]

Níor chomhar, i mean chóir, don Fhoras deireadh a chur le hairgead Comhar chomh gasta sin ach is fíor go raibh sé ag plé le hábhair nach spreagadh mórán na laethanta seo.

Tá spás ann go fóill d'iris nó áis idirlín atá dírithe ar litríocht na Gaeilge ach ní mór fosta do lucht óg bríomhar na teanga theacht chun tosaigh agus tionchar a imirt ar fhoilseacháin na Gaeilge.

Is cuimhin liom a léamh ar Lá Nua nó Foinse gur chuir iris eile isteach ar an chonradh sin ón Fhoras ach nach bhfuair siadsan é ach an oiread. N'fheadar cad é a bhí i gceist...

[duine n]

Dála an scéil, cé agaibh a léigh nó nár léigh COMHAR go rialta; agus tuige?

[RG Cuan]

Thug mé spléacadh air ó am go chéile. Chonachtas domh nach raibh an oiread sin spéisiúil ann.

[duine n]

Thug mé spléacadh air ó am go chéile. Chonachtas domh nach raibh an oiread sin spéisiúil ann.

Ós rud é go mbíonn "spéis" suibíochtúil ar mhiste leat a thuilleadh a rá :P

[RG Cuan]

Tuigim go bpléann Comhar le cúrsaí reatha srl. ach, ar an fhormhór, iris litríochta atá inti, agus is mar sin ba cheart don iris fanacht. Tá gá lena leithéid i saol na Gaeilge.

Tá gá fosta le hiris nua-aoiseach ina gcuirfidh glúin nua - glúin TG4 más mian leat - spéis agus a thugann léargas ar shaol iomlán na teanga. Cluinim ráflaí go bhfuil tús curtha le togra den chineál seo agus go bhfógrófar scéal go luath.