Ríomh-léitheoirí agus ríomh-leabhair

[DeGaulle 2.0]

Cheannaigh mé ríomh-léitheoir le déanaí. Ba é an Sony e-reader a cheannaigh mé. Rinne mé beagánaín taighde sula fuair mé é agus deirtear go bhfuil siad níos "saoire" ó thaobh na teicneolaíochta de ná an Kindle - bheadh tú ceangailte le hAmazon leis an Kindle. (Sin mar a thuigim ach ní saineolaí mé)

Is uirlis iontach í - tá sí níos éadtroma ná leabhar agus ní chuireann sí brú ar do shúile. Is féidir liom mo mhéar a chur ar fhocal agus taispeántar míniú an fhocail dom ón fhoclóir ionsuite. Tá plean agam leabhar nó dhó as Fraincis a cheannach agus a léamh le cabhair ón bhfoclóir. Níl foclóir Gaeilge insuite áfach ... ach is féidir ríomh-leabhair a cheannach ar-líne ó Litríocht.com anois.

Cheap mé go mbeadh na ríomh-leabhair i bhfad níos saoire ná gnáth-leabhair ach ní sin mar atá. Cheannaigh mé mo ríomh-leabhair ó Easons.com - b'fhéidir go bhfuil suíomheanna níos saoire ann. Is féidir ríomh-leabhair a fháil ar iasacht ó leabharlannaí freisin.

Tá míbhuntáiste amháin ag baint leis an ríomh-léitheoir - tá sé deacair an leabhar a thabhairt do dhuine eile nuair a tá sé léite agat.

Cad a cheapann sibh? An bhfuil direadh na leabhar páipéar ag teacht? Féach ar cé chomh tapaidh a sheangaigh éileamh ar cheamaraí scannáin ...

[AntEagnai]

Mhíníodh dom cheana go bhfuil na ríomh-leabhair níos daora de bharr ar an gcáin ar gá íoc orthu. Ní íoctar an cáin iomlán ar 'gnáthleabhar' ach is só-earra iad na ríomhleabhair agus, mar gheall ar seo, is gá an cháin iomlán a íoc. Níl a fhios agam an bhfuil an t-eolas sin i gceart, ach b'shin a dúradh liom.


Tá sé sách aisteach beith ag léamh ón ríomh-léitheoir ach tá mé ag dul i dtaithí air. Tá míbhuntáistí ag baint leis - mar shampla, má tá tú ag iarraidh píosa eolais a athsheiceáil níl sé chomh héasca flick trí na leathanaigh.

[ergo2]

Tá Kindle ag cara liom agus molann sé é go h-ard.

Fanfaidh mé leis an páipéar.

[Galvia Irredenta]

Seo í mo chéad teachtaireacht riamh ar PIE!
Maidir leis na ríomh-léitheoirí - is teicneolaíocht an-nua i mbéal foráis í - le neart forbairtí ag dul ar aghaidh. Láithreán gréasáin mhaith d'eolas agus léirmheasanna is ea goodereader.com. Tá mé an-tógtha leis an gceann nua atá ag an gcomhlacht Francach Bookeen (an-tógtha le hainmh an chomhlachta freisin!) - an Cybook Odyssey. Níl ceann ar bith agam go fóill; toisc mar a dúirt mé go mbeidh ceann ar bith as dáta go luath - ach tá dúil mhór ionam cúrsaí a athrú agus ceann Bookeen a cheannach.

[DeGaulle 2.0]

Seo í mo chéad teachtaireacht riamh ar PIE!

Fáilte romhat!

Maidir leis na ríomh-léitheoirí - is teicneolaíocht an-nua i mbéal foráis í - le neart forbairtí ag dul ar aghaidh. Láithreán gréasáin mhaith d'eolas agus léirmheasanna is ea goodereader.com. Tá mé an-tógtha leis an gceann nua atá ag an gcomhlacht Francach Bookeen (an-tógtha le hainmh an chomhlachta freisin!) - an Cybook Odyssey. Níl ceann ar bith agam go fóill; toisc mar a dúirt mé go mbeidh ceann ar bith as dáta go luath - ach tá dúil mhór ionam cúrsaí a athrú agus ceann Bookeen a cheannach.

Is maith liom an t-ainm sin "Bookeen"! Téann beagnach gach uirlis leictreonach as dáta go luath ...

[wee slabber]

Tá Kindle ag cara liom agus molann sé é go h-ard.

Fanfaidh mé leis an páipéar.

Tá Kindle agam ar feadh trí blian anois agus creidim go bhfuil se an rud is fearr. Ach is feidir liom an páipéar a bhain sult as go maith. Da ma mise thú, ceannódh me Kindle.