Éire agus an dearcadh polaitíochta s'aici

[DeGaulle 2.0]

[FONT="Courier New"]

Cuireann an plé seo íomhá a chonaic mé ar an idirlíon i gcuimhne dom:

Political Irony Sinking Feeling of the Unemployed

Is é ísliú cánach réiteach gach fabhb de réir Poblachtaigh Mheiriceá. Ní bhaineann do chartún le fadhbanna na tíre seo. Níl éinne ag caint faoi isliú cánach anseo.

Sílim go raibh mise agus duine n ag plé na ceiste seo le déanaí freisin. Faoin chaoi a gcloistear go laethúil, na laethanta seo, gur chóir níos mó cánach a chur ar theacht isteach na ndaoine ar an bpá is ísle.
Ar ndóigh cloistear gur chóir a bpá a ísliú freisin!

Díluacháladh an punt sna 1990í. Tharla ísliú pá ansin freisin ach níor thug daoine faoi deara é. Ar tharla sé ar slí níos féaráilte ná mar atá rudaí ag titim amach anois? - bhí an gearradh siar céanna ag saibhir agus daibhir.

Ach deirtear, agus creidtear, gur chóir do na daoine is boichte níos mó cánach a íoc bunaithe ar an mhíthuiscint nach bhfuil siad ag íoc cánach ar bith sa chéad dul síos.
Ní foláir cuimhneamh go bhfaigheann an státchiste beagnach 50% dá teacht isteach ó chánachas indíreach .i. na rudaí a cheannaíonn tú srl..
Níl aon tír eile san Eoraip a bhraitheann ar chánachas indíreach sa chaoi chéanna a mbraitheann an tír seo. De ghnáth bíonn an teacht isteach ó cháin indíreach timpeall 30%, nó níos lú, i dtíortha eile san Eoraip.

(Gan an méid a dúirt mé le duine n roimhe a athrá!) Is cáin cúlchéimnitheach cánachas indíreach.
Agus is éard atá i gceist agam leis sin ná mar chéatadán dá n-ioncaim tugann daoine atá ag obair go páirt aimseartha, daoine atá dífhostaithe, seandaoine ar phinsin, tuismitheoirí aonaracha, daoine faoi mhíchumas fiú agus daoine ar an tuarastal is ísle i bhfad níos mó dá gcuid ar cháin i gcomparáid leo siúd ar an bpá is airde.
Is iad na daoine ar an bpá is ísle .i. formhór mhuintir na tíre, na hoibrithe is tomhaltóirí atá mar dhroim don gheilleagar ó thaobh caiteachais de.
Má ghearrann tú a gcumas caiteachais siar agus mar mhéadaíonn tú go míchothrom an méid a íocann siad go díreach agus go hindíreach bíonn tionchar láidir diúltach ann don gheilleagar ar an bpointe.
Mar a mhaígh Browne níl muid briste ach mífheidhmiúil.

Caithfear tosnú ag an bharr ó thaobh cáin i mo thuairim, agus tá na comhlachtaí móra san áireamh ansin. Caithfear fáil réidh leis na céadta buntáiste cánacha don lucht an tsaibhris a ligeann dóibh cáin a sheachaint.
Agus nuair atá rudaí feabhsaithe sa gheilleagar sin an t-am le breathnú ar cháin bhreise don dhaoine ar thuarastal íseal, agus ní roimhe.

Níl fadhb ar bith agam le h-ardú cánach dóibh siúd ar barr ó thaobh airgid de ach ní dóigh liom go bhfuil pota óir ann a réiteodh gach fadhb. Thaispeánfadh ardú canach do dhaoine le teacht isteach ard go raibh iarracht á dhéanamh reiteach féaráilte a fháil dár bhfadhbanna - agus is í an fhéaráilteacht an rud is tábhachtaí.

Maidir le cáin indíreach (Cáin Bhreisluacha), nach bhfuil an cáin sin i ngach tír eile san AE? B'fhéidir go bhfuil praghasanna níos airde anseo ach sin scéal eile.

Ar dhein tú an quiz seo: quiz beag ar cháin ioncaim in Éirinn?

Bhí Airí Airgeadais ag féin-threaslú le blianta beaga anuas mar gheall ar an méid daoine nach raibh ag íoc cáin ioncaim - ach b'fhéidir go n-airíonn daoine "úinéireacht" ar an stát nuair a íocann siad cáin ioncaim.

[/FONT]

[Cúchonnacht]

Is é ísliú cánach réiteach gach fabhb de réir Poblachtaigh Mheiriceá. Ní bhaineann do chartún le fadhbanna na tíre seo. Níl éinne ag caint faoi isliú cánach anseo.

Is éard a thaispeánann an íomhá ná an fhimíneacht go bhfuil, cosúil leis an tír seo, an díospóireacht faoin tEasnamh dírithe ar rudaí suaracha amhail leas sóisialach agus pá íseal mar chúis ár bhfadhbanna. Ach ag an am céanna tá neamhaird tugtha dos na buntáistí cánacha atá ar fáil do lucht ionnúis.
Cheap mé go raibh sé ábhartha toisc go dtaispeánann sé idé-eolaíocht coitinn agus an dearcadh polaitíochta agus eacnamaíochta a mbeifí ag súil leis i dtíortha ina bhfuil caipitleachas nua-liobrálach i bhfeidhm.

Díluacháladh an punt sna 1990í. Tharla ísliú pá ansin freisin ach níor thug daoine faoi deara é. Ar tharla sé ar slí níos féaráilte ná mar atá rudaí ag titim amach anois? - bhí an gearradh siar céanna ag saibhir agus daibhir.

Caithfidh mé amharc air, níl mórán cur amach agam ar an díluacháil atá i gceist agat.
Ach bheinn ag súil nach raibh gearradh siar cothrom ann .i. bhí na daibhre thíos leis níos measa mar chéatadán dá ioncam. Mar is gnáth le haon ghearradh siar ó rialtas.

Níl fadhb ar bith agam le h-ardú cánach dóibh siúd ar barr ó thaobh airgid de ach ní dóigh liom go bhfuil pota óir ann a réiteodh gach fadhb. Thaispeánfadh ardú canach do dhaoine le teacht isteach ard go raibh iarracht á dhéanamh reiteach féaráilte a fháil dár bhfadhbanna - agus is í an fhéaráilteacht an rud is tábhachtaí.

"Níl aon rogha eile againn", "tá muid san áit a bhfuil muid" agus an ceann is fearr liom gan aon agó "Níl aon phota óir ann"!
Is aisteach liom cé chomh tapaidh a ghlacann daoine focal Fhianna Fáil!

Mar shampla amháin reatha a bhréagnaíonn NOPÓ Lenihan bhí alt Vincent Browne againn a thug le fios go bhfuil pota óir ann. Agus is pota ollmhór é.
Ach ná bac le saibhreas dhaoine go ceann nóiméad (tá 40% den saibhreas sa tír ag 5% den daonra) cad faoi pota óir ón chósta Iorrais amuigh?
Sin pota óir de luach €400 billiún, nó níos mó!
Níl aon phota óir ann má tá dearcadh polaitíochta agus eacnamaíochta ar leith agat.
In áit plé faoi náisiúnú na mbanc marbh ba chóir go mbeadh plé agus díospóireacht againn faoi athnáisiúnú ár n-acmhainní nádúrtha chun teacht as an ghéarchéim.

Tá blagmhír thíos a thugann sampla maith faoin chaint seo sna meáin le bliain nó dó anuas ar an "phota óir" agus an méid cánach a íocann lucht ionnúis. Mholfainn é.
Notes On The Front: Be Afraid, Be Über Afraid: The Recession Diaries - November 3rd

Agus tagaim leat, féaráilteacht an rud is tábhachtaí, agus is beag féaráilteacht atá ann go dtí seo.

Maidir le cáin indíreach (Cáin Bhreisluacha), nach bhfuil an cáin sin i ngach tír eile san AE?

Tá gan amhras, bhíos ag iarraidh a mhíniú go bhfuil an rialtas seo ag brath i bhfad Éireann níos mó ar cháin indíreach ná aon tír eile san Eoraip.

Nuair a thosaítear ag breathnú ar an chaoi a bhfuil an córas cánach agus riaradh eacnamaíochta na tíre feictear an phraiseach a dhein Fianna Fáil de!

Ar dhein tú an quiz seo: quiz beag ar cháin ioncaim in Éirinn?

Níor dhein go raibh maith agat.
Arís tá sé ag déanamh neamhaird iomlán de chánacha indíreach agus cheap mé gur spéisúil an anailís atá thíos faoin bhlagmhír.
Lies, Damn Lies – and politicians quoting EuroStat : Red Oak Tax Refunds Blog

[duine n]

Sílim go raibh mise agus duine n ag plé na ceiste seo le déanaí freisin. !

Bhal, sílim go raibh sinn in ainm is an geilleagar iomlán a phlé ach gur tharraing tú an cánachas chugat thar údar eile. Sílim fhéin nach leor díriú ar sin amháin

[duine n]

[FONT="Courier New"]Ar dhein tú an quiz seo: quiz beag ar cháin ioncaim in Éirinn?


[/FONT]

An bhfuil sé le trust, meas tú?

Tháinig sé chun léas tamall ó shoin go níocann bean Beatancourt, bean l'Oriel, an triú duine is saibhre sa bhFrainc cáin ionacaim idr 1% agus 6% sa bhliain.

De réir mar a thuigim, ach ní heolaí mé, caitheann daoine saibhre dua mór leis an muirear chánach acu a laghdú, agus éiríonn leo!

[DeGaulle 2.0]

Mar shampla amháin reatha a bhréagnaíonn NOPÓ Lenihan bhí alt Vincent Browne againn a thug le fios go bhfuil pota óir ann. Agus is pota ollmhór é.
Ach ná bac le saibhreas dhaoine go ceann nóiméad (tá 40% den saibhreas sa tír ag 5% den daonra) cad faoi pota óir ón chósta Iorrais amuigh?
Sin pota óir de luach €400 billiún, nó níos mó!
Níl aon phota óir ann má tá dearcadh polaitíochta agus eacnamaíochta ar leith agat.
In áit plé faoi náisiúnú na mbanc marbh ba chóir go mbeadh plé agus díospóireacht againn faoi athnáisiúnú ár n-acmhainní nádúrtha chun teacht as an ghéarchéim.

Níl pota óir de luach €400 billiún amach ó chósta Iorrais agus ta sé éasca é sin a thaispeáint.

Deirtear go bhfuil 30 billiún méadar cúbaithe gáis ann. (Féach anseo).
Is é praghas Eorpach gáis ná €400/1000 méadar cúbaithe (Féach anseo - sin praghas gáis ón Rúis).

30 billiún méadar cúbaithe * 400 / 1000 = luach 12 billiún.
ACH, cad faoi na costaisí ag baint le druileáil, le tógáil agus cothabháil píblíntí, le tuarastail na foirne, le longa agus mar sin. Tá an gás suite faoi 1000 troig uisce - cuimhnigh ar sin!

B'fhéidir nach raibh margadh maith déanta againn ach sin scéal eile. Níl pota óir ann.