Seasamh Frith-Ghaelach Fhianna Fáil

[Gary]

Táimse cráite ag an bhfocain clárúchán seo. Líonas isteach foirm trí mhí ó shin, an seoladh tugtha i nGaeilge agam, agus níl m'ainm le fáil ar an gClár (fé sheoladh Gaeilge ná fén mBéarla).

Chaitheas foirm nua a dh'íoslódáil ansan agus anois caithfidh mé dul isteach i stáisiún na nGardaí maidin Dé Sathairn chun go mbuailfidh siad stampa anuas air.

Bhfuil fhios ag aoinne an gcaithfidh mé an seoladh a thabhairt i mBéarla an babhta seo??

ba chóir dhuit é a chlárú i mBéarla. Ní aithneofar tú más rud é go bhfuil do sheoladh i nGaeilge.
Fáilte go hÉirinn faoi stiúir Fhianna Fáil.

[anmajornarthainig]

is é mo thaithí é ná nach bhfuil ceann ar bith de na páirtithe dáiríre ar son na Gaeilge. Níl vótaí ann mar ábhar. Bíonn lipservice go minic ann, go háirithe i bpáirtithe áirithe. Fianna Fáil go traidisiúnta agus anois Sinn Féin (bhí mé ag cúpla cruinniú de chuid na Shinner agus tar éis don óráid críochnú dúirt an t-urlabhraí "Go raibh míle maith agat" le slua mór daoine!) Ní ag ionsaí Sinn Féin ach go háirithe atá mé ach `s í an fhírinne ghlan gur chuir FF an dalla mullóg ar Ghaeilgeoirí ar feadh na mblianta gurbh iadsan an páirtí le tacaíocht a thabhairt don Ghaeilge agus déanfaidh SF an rud céanna. Lena gceart a thabhairt dóibh tá neart i SF atá go mór ar son na Gaeilge, cairde liom iad roinnt acu, ach is é an rud faoi níl ceann ar bith de na páirtithe le trust agus ba cheart do ghluaiseacht na Gaeilge fanacht glan amach ó pholaitíocht páirtithe agus díriú isteach ar ghníomhaíocht phobail.