An tAire Éamon Ó Cuív i leith na Gaeilge- pointí as deich

[Darren Mac an Phríora]

8 asam.

Is é a t-aonú pointe a ba mhaith liom a chuir in iúl dó maidir leis an bPlean Straitéiseach Fiche Bhliain don Ghaeilge ná go ba mhaith liom tús a fheicéail do na feachtais margaíochta ar an dteilifís i mbliana, fiú muna bhfuil sé in ann an bPlean a athrú chun é seo a dhéanamh go hoifigiúil.

Ná bí buartha a Éamon, ní bheidh mé ag gearán arís in aon chuma.

[An Ghearb]

A naoi.

(Sin "nine", má tá Micheal Ring á léamh seo.)

[Fir Bolg]

A naoi.

(Sin "nine", má tá Micheal Ring á léamh seo.)

lol nó GoA (gáire os ard)

[Culann]

Ceist dheacair. Níl aon amhras ach do dtuigeann sé próifíl na Gaeilge agus na Gaeltachta níos fearr ná TD ar bith eile tríd an taithí a bhí aige le Conradh na Gaeilge agus tríd an taithí a bhí aige ag obair i gComharchumann. Tá go leor bainte amach aige ach cén fáth nach mbeadh? Sin an post atá aige. Sin an fáth a bhfuil sé ag fáil íoctha. Freisin, bhí buntáiste aige thar Airí eile sa mhéid is go raibh airgead aige agus go raibh sé ina Aire Gaeltachta le linn an Tíogair Cheiltigh.

Sin ráite ní maith liom an chaoi a dtugann sé drochscéalta do dhaoine. Maidir le Scéim na bhFoghlaimeoirí Gaeilge rinne sé iarracht cuid den mhilleán a chur ar na gnónna a eagraíonn na coláistí samhraidh nuair a ghearr sé siar ar dheontas na mban tí. Freisin, maidir leis an bplean atá aige eagraíocht amháin a dhéanamh de na heagraíochtaí Gaeilge tá mé ag ceapadh nach bhfuil sé ag tabhairt faoi ar bhonn cothrom. De réir mar a thuigim é tá sé ráite le Foras na Gaeilge go mbeidh deireadh leis an maoiniú a gcuirtear ar fáil do na heagraíochtaí Gaeilge i mí Bealtaine. Níl tada ráite aige le hoibrithe na n-eagraíochtaí Gaeilge maidir le todhchaí a gcuid postanna agus fágann sé seo nach bhfuil daoine cinnte an mbeidh postanna acu amach anseo nó nach mbeidh. Léiríonn sé seo easpa scileanna cumarsáide. Sin ráite, níor mhiste a lua go n-aontaím go mór lena chuid pleananna eagraíocht amháin a dhéanamh de na heagraíocht ach caithfidh sé é seo a dhéanamh ar bhealach oscailte. Tá an éiginnteacht chéanna seo ag oibrithe MFG.

Mar sin, leis an gceist a fhreagairt thabharfainn 7 as 10 dó mar Aire Gaeilge agus Gaeltachta ach ní thabharfainn ach 5 as 10 dó mar Aire i gcoitinne.

Cuireann sé iontas orm a Darren gur thug tú 8 as 10 dó thú féin. Is minic cheana a labhair tú amach ina aghaidh agus tá sé ráite agat go soiléir nach bhfuil aon mhaith ina phlean/straitéis 20 bliain.