Cruachás Fhine Gael

[Culann]

Tá George Lee théis éirí as Fine Gael agus an Dáil inniu de bharr gur cheap sé nár éirigh leis aon dul chun cinn a dhéanamh agus de bharr gur cheap sé nach raibh aon tionchar aige ar thada. Tuilleadh anseo:

George Lee resigns from Fine Gael and Dáil Éireann - The Irish Times - Mon, Feb 08, 2010

Freisin d'admhaigh Enda ar maidin go raibh sé théis praiseach a dhéanamh de chúpla agallamh mór le gairid - dhá 'own goal' ligthe isteach aige ar Newstalk agus ar an Late Late - agus dúirt sé gur ghabh sé leithscéal le lucht an pháirtí ag an deireadh seachtaine mar gheall air sin. An bhfuil muid ag feiceáil deireadh le dul chun cinn Fhine Gael agus tús le teacht ar ais Fhianna Fáil - d'eirigh leo dul chun cinn beag a dhéanamh sna vótaíochtaí deireanacha in ainneoin na cáinaisnéise deacra a bhí orthu a chur i bhfeidhm gan a bheith ag trácht ar NAMA.

É sin a phlé.

[DeGaulle 2.0]

Taim idir dhá chomhairle faoi seo. Ní thagann George nó Enda go maith as, nó an páirtí ach oiread. Is dócha go mbeidh níos mó eolais againn amach anseo.

Ní dúirt mé tada in éadan Enda roimhe seo ach b'fhéidir go bhfuil sé in am don pháirtí an cheannaireacht a phlé. B'fhéidir go bhfuil réamhlóid de dhíth sa pháirtí agus tús áite a thabhairt do ghlúin nua. Is maith liom Leo Varadkar. Tá sé óg, ach bhí an Coileánach níos óige fós nuair a bhí sé i gceannas ar an rialtas i rith Cogadh na Saoirse.

Ach b'fhéidir gur "stoirm i gcupán tae" atá ann agus go mbeidh dearmad déanta ar George an mhí seo chugainn.

[Culann]

Ní dúirt mé tada in éadan Enda roimhe seo ach b'fhéidir go bhfuil sé in am don pháirtí an cheannaireacht a phlé. B'fhéidir go bhfuil réamhlóid de dhíth sa pháirtí agus tús áite a thabhairt do ghlúin nua. Is maith liom Leo Varadkar. Tá sé óg, ach bhí an Coileánach níos óige fós nuair a bhí sé i gceannas ar an rialtas i rith Cogadh na Saoirse.

Tá an ceart agat ansin. Ma tá sé i gceist ag Fine Gael aon dul chun cinn a dhéanamh amach anseo caithfidh siad fáil réidh le hEnda. Is duine ionraic é ach níl na scileanna ná an phearsantacht aige an pairtí a thabhairt níos faide. Tá sé théis Fine Gael a atógáil ó 2002. Rinne sé go maith ach tá deireadh an bhóthair tagtha.

Mar dhuine a bhfuil an ghráin aige ar Fhine Gael (mar is eol duit) tá meas agam ar Leo. Níl aon sh#te ag baint leis. Bíonn sé sásta rudaí a rá amach agus tá sé ionraic. Cinnte dearfa beidh sé ina cheannaire ar an bpáirtí amach anseo. Tá sé go maith don pholaitíocht i gcoitinne.

[Evil Eco-Fascist]

Tugaigí an Nuanánach ar ais!

[Culann]

Tugaigí an Nuanánach ar ais!

Ó a dhiabhail!! Thaitneodh sé sin go mór le Fianna Fáil!

[Culann]

...agus éiríonn an scéal níos measa. Ar an lá a bhí na meáin chumarsáide réidh le slad a dhéanamh ar mhí-éifeacht athrú caibinéid Bhrian Cowen éiríonn le Fine Gael drochphoiblíocht a tharraingt orthu féin trí bhéal mór Leo. Céard sa diabhal atá ar siúl ag Fine Gael. Tá siad théis ceap magaidh a dhéanamh dóibh féin arís - agus ná tosaigh mé ar chinneadh scannalach Alan Dukes, Iarcheannaire Pháirtí Fhine Gael, ardú pá a thabhairt do oibrithe iontacha Anglo.

Faraor, feictear dhom ag an bpointe seo nach bhfuil aon 'dara rogha' ag muintir an stáit seo. Rialtas náisiúnta an t-aon bhealach chun cinn. Tá an rialtas is measa ó bunaíodh an stát againn faoi láthair ach, ar an drochuair, is measa fós príomhpháirtí lucht an fhreasúra.

[Fear Rua]

...agus éiríonn an scéal níos measa. Ar an lá a bhí na meáin chumarsáide réidh le slad a dhéanamh ar mhí-éifeacht athrú caibinéid Bhrian Cowen éiríonn le Fine Gael drochphoiblíocht a tharraingt orthu féin trí bhéal mór Leo. Céard sa diabhal atá ar siúl ag Fine Gael. Tá siad théis ceap magaidh a dhéanamh dóibh féin arís - agus ná tosaigh mé ar chinneadh scannalach Alan Dukes, Iarcheannaire Pháirtí Fhine Gael, ardú pá a thabhairt do oibrithe iontacha Anglo.

Faraor, feictear dhom ag an bpointe seo nach bhfuil aon 'dara rogha' ag muintir an stáit seo. Rialtas náisiúnta an t-aon bhealach chun cinn. Tá an rialtas is measa ó bunaíodh an stát againn faoi láthair ach, ar an drochuair, is measa fós príomhpháirtí lucht an fhreasúra.

Bheadh sé deacair easaontú leat a Chulainn, tá rudaí go dona mar a déarfadh Johnny Chóil Mhaidhc, tá rudaí go dona.

[DeGaulle 2.0]

...agus éiríonn an scéal níos measa. Ar an lá a bhí na meáin chumarsáide réidh le slad a dhéanamh ar mhí-éifeacht athrú caibinéid Bhrian Cowen éiríonn le Fine Gael drochphoiblíocht a tharraingt orthu féin trí bhéal mór Leo. Céard sa diabhal atá ar siúl ag Fine Gael. Tá siad théis ceap magaidh a dhéanamh dóibh féin arís - agus ná tosaigh mé ar chinneadh scannalach Alan Dukes, Iarcheannaire Pháirtí Fhine Gael, ardú pá a thabhairt do oibrithe iontacha Anglo.

Faraor, feictear dhom ag an bpointe seo nach bhfuil aon 'dara rogha' ag muintir an stáit seo. Rialtas náisiúnta an t-aon bhealach chun cinn. Tá an rialtas is measa ó bunaíodh an stát againn faoi láthair ach, ar an drochuair, is measa fós príomhpháirtí lucht an fhreasúra.

Níl rialtas náisiúnta ag teastáil uainn. Caithfimid fáil réidh le Fianna Fáil.

Ní aontaím le cad a dúirt Leo faoi Gharret ach ceann de cúiseanna an chruacháis ina bhfuil an stát ná an iomarca measa a tugadh do dhaoine ardchéimiúla (rud a dúirt Garret féin freisin).

Scrios Fianna Fáil geilleagar na tíre dhá uaire i nglúin amháin. Bhí ar Garret déileáil leis an gcéad scrios, gan mórán cabhrach ó na páirtithe eile. Ní raibh "stráitéis Tamhlachta" ar fáil ó FF.

Fáil réidh le Fianna Fáil agus fillfimid ar pholasaithe feiliúnacha don phobal fulangach.

[Culann]

Níl rialtas náisiúnta ag teastáil uainn. Caithfimid fáil réidh le Fianna Fáil.

Scrios Fianna Fáil geilleagar na tíre dhá uaire i nglúin amháin. Bhí ar Garret déileáil leis an gcéad scrios, gan mórán cabhrach ó na páirtithe eile. Ní raibh "stráitéis Tamhlachta" ar fáil ó FF.

Fáil réidh le Fianna Fáil agus fillfimid ar pholasaithe feiliúnacha don phobal fulangach.

Ba bhreá liom aontú leat ach ní féidir liom. Ní dóigh liom go ndéanfadh FG jab pioc níos fearr ná FF. Ba bhreá liom muinín a bheith agam iontu ach ní thugann siad ábhar dóchais dhom. Ba bhreá liom fáil réidh le FF. Tá an ceart agat. Scrios siad an geilleagar. Ní bhfaighidh siad vóta ar bith uaim arís ach ní bhfaighidh FG ach an oiread.

Chuala mé neart vox-popanna agus léigh mé neart cinnlínte ón Ard-Fheis (Comhdháil Naisiúnta nó cibé rud a bhí ann) le cúpla lá anuas ach ní thugann siad aon dóchas dom. Luaigh tú 'polasaithe feiliúnacha' thuas. Céard iad féin??

Níl an páirtí go hiomlán taobh thiar den cheannaire. Tá go poiblí ach is léir don dall nach bhfuil go príobháideach. D'éirigh George Lee as an bpáirtí de bharr gur chreid sé nach raibh FG sách cumasach ná sách radacach fadhbanna eacnamaíochta na tíre a réiteach. Tháinig sé chun solais gur bhagair Lucinda Creighton go gcaithfí próifíl sa mbinse tosaigh a thabhairt di. Deireann Leo Varadkar a rogha rud sna meáin agus dar ndóigh déanann sé a rogha rud. Bhí an triúr sin á gcur chun tosaigh ag an bpáirtí mar an chéad ghlúin eile. Más é sin an chéad ghlúin eile b'fhearr liom gabháil ar imirce. Níl pairtí Fhine Gael le chéile agus níl siad ag casadh an phoirt chéanna. Tá Fine Gael, dar liom, díreach mar an gcéanna le FF ach amhain go bhfuil na diabhail i FF níos cliste agus níos glice.

Caitear teacht ar shocrú eile rialtais. Níl réiteach na bhfadhbanna ag FF ná ag FG. B'fhéidir go bhfuil i measc an 166 (163 anois is dócha) Teachta. Tá cluichí á n-imirt ag FG. Tá siad ag iarraidh teacht ar pholasaithe atá difiúil ó FF chun iad féin a chur chun cinn. Ba cheart dóibh suí síos agus teacht ar pholasaithe a ghabhfaidh chun sochair don stát ní chun sochair don pháirtí.

Dála an scéil tá súil le Dia agam nach ndéanfaidh muintir na hÉireann dearmad ar an scrios a rinne FF don tír seo.

[Evil Eco-Fascist]

Is deacair dom a chreidiúint go ndearna Varadkar an t-ionsaí cliathánach sin ar Mhac Gearailt agus é ag iarraidh tabhairt faoin rialtas. A leithéid de leibide!