Cruachás Fhine Gael

[DeGaulle 2.0]

Ba bhreá liom aontú leat ach ní féidir liom. Ní dóigh liom go ndéanfadh FG jab pioc níos fearr ná FF. Ba bhreá liom muinín a bheith agam iontu ach ní thugann siad ábhar dóchais dhom. Ba bhreá liom fáil réidh le FF. Tá an ceart agat. Scrios siad an geilleagar. Ní bhfaighidh siad vóta ar bith uaim arís ach ní bhfaighidh FG ach an oiread.

Chuala mé neart vox-popanna agus léigh mé neart cinnlínte ón Ard-Fheis (Comhdháil Naisiúnta nó cibé rud a bhí ann) le cúpla lá anuas ach ní thugann siad aon dóchas dom. Luaigh tú 'polasaithe feiliúnacha' thuas. Céard iad féin??

Níl an páirtí go hiomlán taobh thiar den cheannaire. Tá go poiblí ach is léir don dall nach bhfuil go príobháideach. D'éirigh George Lee as an bpáirtí de bharr gur chreid sé nach raibh FG sách cumasach ná sách radacach fadhbanna eacnamaíochta na tíre a réiteach. Tháinig sé chun solais gur bhagair Lucinda Creighton go gcaithfí próifíl sa mbinse tosaigh a thabhairt di. Deireann Leo Varadkar a rogha rud sna meáin agus dar ndóigh déanann sé a rogha rud. Bhí an triúr sin á gcur chun tosaigh ag an bpáirtí mar an chéad ghlúin eile. Más é sin an chéad ghlúin eile b'fhearr liom gabháil ar imirce. Níl pairtí Fhine Gael le chéile agus níl siad ag casadh an phoirt chéanna. Tá Fine Gael, dar liom, díreach mar an gcéanna le FF ach amhain go bhfuil na diabhail i FF níos cliste agus níos glice.

Ceapaim go bhfuil tú ag tógáil sléibhte ó cnoca beaga an ainmhí a mbíonn ag tochailt tollán faoi thalamh. Mar a deireann an tUasal Ring - nuair a deireann duine leat go bhfuil na páirtithe mar an gcéanna, bíonn a fhois agat go bhfuil tú ag caint le duine ó FF.

Féach ar Lowry - caite amach ó FG.
Féach ar Lawlor - ceapaithe ag FF mar Chathaoirleach ar an gCoiste Eitic
Féach ar O'Dea agus a bhréaga sa chúirt.
Féach ar na bréaga a bhí á insint ag lucht FF ag an mbínse fiosrúchán.

Caitear teacht ar shocrú eile rialtais. Níl réiteach na bhfadhbanna ag FF ná ag FG. B'fhéidir go bhfuil i measc an 166 (163 anois is dócha) Teachta. Tá cluichí á n-imirt ag FG. Tá siad ag iarraidh teacht ar pholasaithe atá difiúil ó FF chun iad féin a chur chun cinn. Ba cheart dóibh suí síos agus teacht ar pholasaithe a ghabhfaidh chun sochair don stát ní chun sochair don pháirtí.

An bhfuil fhios agat faoi polasaithe FG? An bhfuil tuairim agat faoin bpolasaí sláinte a bhí James Reilly ag cur chun cinn?

Dála an scéil tá súil le Dia agam nach ndéanfaidh muintir na hÉireann dearmad ar an scrios a rinne FF don tír seo.

Tá súil agam freisin.

Ach smaoinigh ar seo: chuaigh gach Teachta neamhspleách a bhí tofa ag an olltoghchan deireanach isteach le FF ag am éigin. Chuaigh an Lucht Oibre isteach leo, chuaigh na Glasaigh isteach leo. Léimfeadh Sinn Féin isteach le FF má raibh an seans acu.

[Evil Eco-Fascist]

Mar a deireann an tUasal Ring - nuair a deireann duine leat go bhfuil na páirtithe mar an gcéanna, bíonn a fhois agat go bhfuil tú ag caint le duine ó FF.

Tá ábhar machnaimh ansin, cinnte.

[Culann]

Féach ar Lowry - caite amach ó FG.
Féach ar Lawlor - ceapaithe ag FF mar Chathaoirleach ar an gCoiste Eitic
Féach ar O'Dea agus a bhréaga sa chúirt.
Féach ar na bréaga a bhí á insint ag lucht FF ag an mbínse fiosrúchán..

Níl amhras ar bith orm faoin méid sin. Ní thacaím ar aon bhealach le FF. Tá mé ag rá go bhfuil siad beagnach chomh dona céanna le FG. Níl maith ar bith i FF dar liom.

An bhfuil fhios agat faoi polasaithe FG? An bhfuil tuairim agat faoin bpolasaí sláinte a bhí James Reilly ag cur chun cinn? ..

Inis dom fúthu agus abair liom cén bealach a bhfaighidh siad an t-airgead. Tabhair san áireamh go bhfuil siad ag maíomh go bhfuil siad chun 80,000 (nó rud éigin mar sibn a chruthú ag an am céanna chomh maith le go leor rudaí eile. Ba bhreá liom a fháil amach cén áit a mbeidh siad ag fáil an airgid.

Ach smaoinigh ar seo: chuaigh gach Teachta neamhspleách a bhí tofa ag an olltoghchan deireanach isteach le FF ag am éigin. Chuaigh an Lucht Oibre isteach leo, chuaigh na Glasaigh isteach leo. Léimfeadh Sinn Féin isteach le FF má raibh an seans acu.

Aontaím leat ach arís níl mise ag iarraidh chlár FF a chur chun cinn anseo. Tá an ghráin agam orthu. Dá mbeadh rialtas náisiúnta ann d'fhéadfadh FF bheith ina mionlach.

An mbeadh tusa sásta le leathamadán ar nós Enda Kenny mar Thaoiseach??? Freagair an cheist go hionraic. Dhéanfadh sé ceap magaidh den tír. Teachta a bhí ann i gcónaí beagnach. Céard iad na scileanna atá aige? Cén scil atá aige ar réimse ar bith eile sa saol seo seachas a bheith ina Theachta - i measc lucht an fhreasúra den chuid is mó?

[Fear Rua]

Dá mbeadh duine eile i mbun F/Gael faoi láthair, shiúlfadh siad isteach ag an gcéad toghcháin eile ach an fhaid 'is a bheidh Enda Kenny ann beidh amhras ar dhaoine.

Ní ábhar Ceannaire é Kenny, ní raibh inné, níl inniu agus ní bheidh amárach.

[DeGaulle 2.0]

Inis dom fúthu agus abair liom cén bealach a bhfaighidh siad an t-airgead. Tabhair san áireamh go bhfuil siad ag maíomh go bhfuil siad chun 80,000 (nó rud éigin mar sibn a chruthú ag an am céanna chomh maith le go leor rudaí eile. Ba bhreá liom a fháil amach cén áit a mbeidh siad ag fáil an airgid.

Níor chuala tú faoi Google ríomh?

Seo blas duit:

Mar chuid d'ár gclár leasaithe sna hospuidéil, cuirfimid freagracht ar an Aire Sláinte as baint amach na spriocanna is tabhachtaí. Bainfimid úsáid as córas fíor-ama fáisnéise chun an dul chun cinn a mheas chuile lá. Bunfaimid Aonad Seachadadh Speisialta chun cabhrú leis an Aire, rud a slaiseáil liostaí feithimh i dTuaisceart Éireann, gan méadú mór caiteachais.

Is féidir leat an chuid eile a léamh ar an suíomh.

Aontaím leat ach arís níl mise ag iarraidh chlár FF a chur chun cinn anseo. Tá an ghráin agam orthu. Dá mbeadh rialtas náisiúnta ann d'fhéadfadh FF bheith ina mionlach.

An mbeadh tusa sásta le leathamadán ar nós Enda Kenny mar Thaoiseach??? Freagair an cheist go hionraic. Dhéanfadh sé ceap magaidh den tír. Teachta a bhí ann i gcónaí beagnach. Céard iad na scileanna atá aige? Cén scil atá aige ar réimse ar bith eile sa saol seo seachas a bheith ina Theachta - i measc lucht an fhreasúra den chuid is mó?

An "scil" is mó atá riachtanach do Thaoiseach ná ionracas. Sílim go mbeidh sé go maith mar Thaoiseach.

Ní thuigim an ráiméis a chloistear go gcaitheann taithí éigin nó scileanna éigin a bheith ag duine chun bheith ina Thaoiseach. Cheap a lán daoine go raibh an taithí cheart ag Brian bocht roimh tús a thaoiseacht agus féach cad a tharla.

[Culann]

An "scil" is mó atá riachtanach do Thaoiseach ná ionracas. Sílim go mbeidh sé go maith mar Thaoiseach.

Ní thuigim an ráiméis a chloistear go gcaitheann taithí éigin nó scileanna éigin a bheith ag duine chun bheith ina Thaoiseach. Cheap a lán daoine go raibh an taithí cheart ag Brian bocht roimh tús a thaoiseacht agus féach cad a tharla.

I mo thuairimse tá Kenny an-ionraic ach faraor níl sé sách ábalta. Níl ábhar Taoisigh ann. Ba bhreá liom a mhalairt a rá ach ní bheinn ionraic. Ar bhonn peasanta is maith liom an créatúr ach ar bhonn proifisiúnta níor mhaith liom ar chor ar bith go mbeadh sé mar Thaoiseach orainn. Dúirt sé le gairid go raibh sé chun ligint don fhíor-Enda Kenny a theacht amach amach anseo. An raibh sé ag aisteoireacht go dtí sin, mar sin?? Is ábhar magaidh é. Cuireann sé leithéidí David Brent ón Office i gcuimhne dhom.


Maidir leis an bpointe a rinne tú faoi 'scileanna', cinnte dearfa teastaíonn scileanna áirithe. An gcuirfeá duine éigin nach raibh eolas ar bith aige faoi chúrsaí oideachais i gceannas ar an Roinn Oideachais? An gcuirfeá duine éigin nach raibh Gaeilge aige i gceannas ar an Roinn Gaeltachta (chuir Enda bocht!)? Ar an mbonn céanna ní chuirfeá duine éigin nach raibh scileanna ceannaireachta aige i gceannas ar stát agus má cheapann tú a mhalairt tá dul amú ort. Tá scileanna maithe bainistíochta ag Enda mar atá cruthaithe aige le blianta beaga anuas ach NÍL scileanna ceannaireachta aige. Bheadh muid inár gceap magaidh dá mbeadh Enda ag tús cadhnaíochta na tíre.